Azhar Waris
@azhar
7 months ago - Translate

Your vote goes to which party.?

image
Azhar Waris
@azhar
3 months ago - Translate

50 روز!

ڈالر کی قیمت کو بڑھانا ناگزیر تھا۔۔ چلیں مان لیتے ہیں، لیکن ایک دن میں 14 روپے سے زیادہ بڑھ جانا اس بات کا ثبوت ھے کہ آپکے معاشی ماہرین نا اہل ہیں، نہ انہیں اس بات کا اندازہ ہے کہ ایک روز میں روپے کی قدر میں 12 سے 14 روپے کی کمی سے یکدم ملک کی مجموعی صورتحال کس حد تک مخدوش ہوسکتی ہے؟ اور نہ ہی وہ بین الاقوامی اداروں سے گفت و شنید کے ساتھ ساتھ کچھ لو اور کچھ دو کے اصول سے واقف ہیں، آپ نے آئی ایم ایف کی شرائط صرف تسلیم ہی نہیں کیں ہیں بلکہ اسکے سامنے یکدم گھٹنے ٹیک دئیے ہیں، وگرنہ روپے کی قدر میں یہی کمی عوام کو اعتماد میں لے کر بتدریج کی جاسکتی تھی۔

آپ اس بات کو تسلیم کریں کہ ان پچاس روز میں آپ کو ہر محاذ پر سبکی و ناکامی کا منہ دیکھنا پڑا۔ 2013 میں پیپلز پارٹی کی حکومت خزانے میں محض 3.5 ارب ڈالر چھوڑ کر گئی تھی، جبکہ ن لیگ کی حکومت نے اپکو لگ بھگ 15 ارب ڈالر کا کلوزنگ بیلینس دیا تھا۔ آپ سے سوال یہ ھے کہ ہمیں ملک کی 75 سال کی تاریخ میں کوئی ایک ایسی مثال ڈھونڈ کر دیں جب کسی گورنمنٹ نے اپنی حکومت کے ابتدائی 50 روز میں روپے کی قدر میں اس حد تک کمی کی ہو؟؟؟

نیازی صاب الیکشن سے پہلے آپ اپنی تقاریر میں فرمایا کرتے تھے کہ میں بھیک نہیں مانگوں گا، آئی ایم ایف کے پاس جانے سے پہلے خود کشی کرلوں گا۔۔۔۔ چلیں آپ خود کشی نہ کریں لیکن کم از کم بھیک کی بات پر ہی قائم رہ جاتے جناب۔۔۔ چائنا سے آپ نے بھیک مانگی، سعودیہ کے آپ ہاتھ جوڑتے رہے، خود فرماتے ہیں کہ ہم دوسرے ممالک سے کہہ رہے ہیں کہ وہ ہمارے اسٹیٹ بینک میں کچھ پیسہ ڈال دیں۔۔۔۔ ایشائی ترقیاتی بینک کے پاس اپ۔پہنچ گئے۔۔ قوم سے چندہ مانگنے آپ نکل کھڑے ہوئے، آپکا ریلوے کا منسٹر ریلوے کے پرزوں کے لئے عطیات و صدقات کی بھیک مانگتا ہے۔۔۔۔ سب نے ہری جھنڈی دکھائی۔۔۔۔

آخر یہ ہو کیا رہا ھے؟ محکمہ زراعت نے یہ کس قسم کے لوگوں کو اس ملک کا حکمران بنا دیا گیا ہے؟

آپ نے پنجاب کیساتھ خوب ظلم کیا کہ وہاں بزدار جیسے شخص کو وزیر اعلی لگا دیا گیا۔۔۔جناب کیا آپ عثمان بزدار کو شوکت خانم کا چیف لگا سکتے ہیں؟ کجا یہ کے 60 فیصد پاکستان کی حکومت اس کے حوالے کردیں۔۔۔

50 روز کے اندر خاور مانیکا والے کیس میں اس وزیر اعلی کو سپریم کورٹ سے لکھ کر معافی مانگنی پڑی۔۔۔۔

منشاء بم والے معاملے پر اپنے ایم این اے ایم پی ایز کو سپریم کورٹ سے معافی مانگنی پڑی، منشاء بم پولیس کی موجودگی میں فرار ہو گیا۔۔۔۔

آپکے محمود الرشید کے صاحبزادے اخلاق سے گری حرکات کرتے ہوئے پائے گئے تو پنجاب پولیس کے اعلی افسران کا تبادلہ کر دیا گیا۔۔۔۔۔ آپ کے ان 50 روز میں پنجاب بیورو کریسی، ریلوے اور پولیس کے اعلی افسران اقرباء پروری اور سیاسی مداخلت سے تنگ آکر مستعفی ہو رہے ہیں!!!!! جبکہ الیکشن سے قبل آپ پیپلز پارٹی اور ن لیگ پر پولیس میں سیاسی مداخلت پر گالیاں دیتے نہیں تھکتے تھے!!!

فواد چوہدری اور فیاض الحسن چوہان دھیرے دھیرے آپکی حکومت کے ماتھے پر کلنک کا ٹیکہ ثابت ہو رہے ہیں، آنے والا وقت ان بے ہودہ لوگوں کو مزید آشکار کرے گا، یہ ایسے لوگ ہیں جن سے کوئی شریف آدمی بات کرنا پسند نہیں کرتا، اور کہاں آپ نے انہیں پنجاب اور وفاق میں اطلاعت کے محکمے دے ڈالے ہیں۔۔۔۔ کیا آپکو نہیں معلوم کہ عوام، میڈیا اور دنیا کے سامنے آپکی حکومت کا چہرہ یہی وزارت ہوتی ہے!!!!!

50 روز کے مزید کچھ اہم معاملات

1. آپ نے مختصر کابینہ کا وعدہ کیا تھا ۔۔۔ اسکا کیا ہوا؟ کیا اپنی موجودہ کابینہ کو آپ مختصر میں شمار کرتے ہیں؟

2. آپ نے میریٹ پر زمہ داریاں دینے کی بات کی تھی، زلفی بخآری اور عون چوہدری کون سے میریٹ پر پورے اترتے ہیں؟

3. سندھ کے ساتھ آپ نے ایسا ظلم کیوں کیا کہ ایک انٹر پاس کو گورنر کے عہدے پر فائز کر ڈالا؟

4. شہد اور زیتون فیم علی امین گنڈا پور کو آپ نے کشمیر کے معاملات کا نگران مقرر کر ڈالا۔۔۔۔ کیا آپ کے پاس اس سے بہتر کوئی آدمی نہیں تھا۔۔؟

5. ہمیں آپ کے وعدے یاد ہیں کہ آپ پروٹوکول کے خلاف بیان دیا کرتے تھے نہ صرف آپ بلکہ آپکی کابینہ کے کئی وزراء اور صدر مملکت کے بیان باقاعدہ ریکارڈ کا حصہ ہیں۔۔ کیا آپکے علم میں ہے کہ اس وقت آپ لوگوں کے پروٹوکول کی کیا پوزیشن ہے؟ عوام آئے دن آپ کو گالیاں دے رہے ہیں۔ آپ کے کتے آپ کے ساتھ ہیلی کاپٹر میں سفر کرتے ہیں۔۔۔۔ کیا یہ وہ سادگی اور کفایت شعاری تھی جسکا زکر آپ سیدنا عمر رض کی مثالیں دے کر پیش کیا کرتے تھے؟

6. خارجہ پالیسی پر پاکستان کو پے در پہ ہزیمت اٹھانی پڑی۔ مودی کے خط کا معاملہ، پومپیو کے فون کا معاملہ، شاہ محمود کا جھوٹ اور پھر امریکا میں رسوائ۔۔۔!!!!

جناب ع۔نیازی صاب۔۔۔۔ یہ 50 روز کی ایک جھلک ھے۔۔۔۔ ابھی 100 دن ہونے میں 50 روز اور باقی ہیں۔
#pakistan

  • About Us
  • It is All About Pakistan Politics :)